|
Passeio pa Salamansa/Baia
Pe o ke kum te lembra alguem convidam um caminhada/passeio pa Salamansa... e era a pé, foi num dming, e um tinha traboi, sóbde e um sei era talves 6 e tal. foi so bai trocá d'rópa, e pé na camim de rbirinha,... zbi rotcha txi rotcha. um ke tava nem seker snhá ke um tava incontrá lá nhe princesa. foi bom zbi e txi na Salamansa, e kond nó dgá la ne kel praia katinha ninguem... e de repende um grupin de pessoas te bem te dgá... era kes maltas de Piaget. um era um convidod de ote cunvidod, "kuase um rusga". uns mnininhas lá, clar ke um começá lóg te pó ói ne um ó ote... mas sinceramente nenhum delas tinha mim txmód atenção cima um brenkinha é ktava la e ktava fala pok... um ti um tempe te repará na ela e dént dnha cabeça, algum cosa dzem ke ela era impensavel um ke tinha chance, e ela ke tava nem te pa expia pe mim. Ela tava parce simpatica apesar de ke ela tava parce timida dmas pa dam hipotze de dzel oi.